Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бүгін VII шақырылған қалалық мәслихаттың І сессиясы өтті. Жиынға қала әкімі Нұрдәулет Қилыбай, әкім орынбасарлары, депутаттар және БАҚ өкілдері қатысты.
Күн тәртібінде қаралған мәселелер бойынша мәслихат хатшысы болып Сембіғали Зәкенов тағайындалды.
Сондай-ақ тұрақты комиссия мүшелері мен төрағасы сайланды.
Жиында Маңғыстау облыстық сайлау комиссиясының төрағасы Ерғали Скендіров 10 қаңтар күні өткен Ақтау қалалық мәслихатының депутаттарының кезекті сайлауы бойынша ақпарат берді.
Дауыс беруге қатысқан сайлаушылардың жалпы саны жеті және одан артық пайыз дауыс алған саяси партиялар арасында қалалық мәслихаттың депутаттығына 17 адам сайланды.
Мәслихат құрамына енгендер қатарында инженер-құрылысшы, экономист салаларының мамандары, сондай-ақ, педагог, заңгер, механик, менеджмент салаларының мамандары мен жастар бар.
Оларға жиын барысында депутаттық мандат тапсырылды.
Сонымен қатар сессияда Ақтау қаласын дамытудың 2021-2025 жылдарға арналған бағдарламасы таныстырылды.
Сессия соңында қала әкімі Нұрдәулет Қилыбай жаңа сайланған құрамға сәттілік тілеп, елдің әлеуметтік-экономикалық даму жолында бірлесе абыройлы қызмет етуге сенім білдірді.
Суреттерді түсірген Талант ҚҰСАЙЫН
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.