«Қазақстан сарбазы» бағдарламасы аясында «Сәлем, сарбаз» музыкалық ойын-сауық жобасы тыңдарманға жол тартты. Бұл Қазақстанның Қорғаныс министрлігі мен «Қазақ радиосының» бірлескен жобасы, - деп хабарлайды mangystaumedia.kz сайты.
Жаңа жоба мерзімді қызметтегі сарбаздарды туыстарымен жақындастыруға, жаңалықтар мен маңызды оқиғаларды бөлісуге мүмкіндік береді.
«Жексенбі күні біз радиодан «Қазақстан сарбазы» бағдарламасын тыңдадық. Құттықтаулар мен тілектерді есту қандай әсерлі. Бүгін радиодан ата-анам құттықтады. Енді әр жексенбі күні жаңа шығарылымды тыңдайтын боламыз. Әріптестерімнің атынан Қазақ радио ұжымына табыс тілеймін», - дейді Атырау гарнизонының мерзімді қызметтегі әскери қызметшісі, қатардағы жауынгер Ералхан Сапаралы.
«Қазақ радиосының толқынында «Қазақстан сарбазы» сағаттық бағдарламасы бар. Енді бізде құттықтауға мүмкіндік бар. Жоба үшін радио ұжымына Қазақстан Әскери-теңіз күштері матростарының атынан алғыс айтамыз», - деді Ақтау гарнизоны әскери бөлімінің матросы Табыс Мерей.
«Демалыс күндері мерзімді қызметтегі әскери қызметшілерге арнап теледидар мен радио бағдарламаларды тыңдауды және көруді ұйымдастырамыз. Бүгін тәрбие және идеологиялық жұмыстар департаментінің бастығы бірінші дәрежелі капитан Серік Жақсығалиұлы Бурамбаевтың сөйлеген сөзін тыңдадық. Мерзімді қызметтегі жеке құрамды тәрбиелеуге қосқан үлесі үшін Қазақстандық БАҚ ұжымдарына алғысымды білдіргім келеді. Осындай бағдарламалар жауынгерлік рухты көтереді, әскери борышты орындауға шабыттандырады», - деп атап өтті Қапшағай гарнизоны әскери бөлімінің аға офицері психолог гвардия майоры Бауыржан Әлжанов.
Еске сала кетейік, бағдарлама әр жексенбі сайын Нұр-Сұлтан уақытымен сағат 10.00-ден 11.00-ге дейінгі аралықта эфирге шығады. Құттықтауларды нөміріне жолдауға, сондай-ақ 8 (717) 2 75 72 75 телефонына қоңырау шалуға болады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
