Бүгін «Қазақстан халық партиясы» Маңғыстау облыстық филиалы «Маңғыстау облысындағы жер ресурстарын тиімді пайдалану» тақырыбында дөңгелек үстел өткізді, - деп хабарлайды mangystaumedia.kz сайты.
Жиынға Маңғыстау облыстық қала құрылысын және жерді бақылау басқармасы, облыстық Ауыл шаруашылығы басқармасы, облыстық табиғат ресурстар және табиғат пайдалануды реттеу басқарамасы және Жер қатынастары басқармасының мамандары, шаруа қожалық иелері қатысты. Қатысушылар ресурстарды пайдалану және оларды басқару тиімділігін арттыруды сөз етті. Сонымен қатар аймақтың табиғи ресурстық әлеуетін, жерді пайдалану және инфрақұрылым тарту мәселелерін талқылады.
Алдымен «Қазақстан халық партиясы» Маңғыстау облыстық филиалының Бірінші хатшысы Роза Махамбетова сөз сөйлеп, дөңгелек үстелге арқау болған тақырыпта пікір білдірді.
Оның айтуынша, ҚХП депутаттары қазақстандықтар үшін жер мәселесін түбегейлі шешу үстінде. Әр отбасына үй салу үшін 20 сотық жер бөлініп, мемлекет қажетті инфрақұрылыммен қамтамасыз ету керек екенін айтты.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
