Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Ақтауда "Ashyq" мобильді қосымшасына тіркелген бірнеше кәсіпкерлік нысан өз жұмысын бастады. Осы ретте әкімдік қызметкерлері мен "Атамекен" кәсіпкерлік палатасының мамандары аталған нысандардың жұмыс барысын тексерді, - деп хабарлайды mangystaumedia.kz сайты.
Алдымен арнайы құрылған топ "Фисташки", содан кейін "Ali Baba" және "Barashka" мейрамханаларға барды. Кәсіпкерлік субьектілердегі QR кодты қолданып, өз статусын анықтап, қаншалықты жұмыс істеп тұрғанына көз жеткізді.
"Бүгіннен бастап "Ashyq" қосымшасын орнаттық. Енді бізге келген қонақтар мобильді қосымшаны қолданып, өздерінің статусын анықтай алады. Егер келушіден қызыл түс анықталса, онда ол ішке кірмейді. Бұл қосымша коронавирустың алдын алуға және қоғамдық орында қауіпсіз отыру үшін керек. Сондықтан қала тұрғындары мобильдік қосымшаны жүктеп алғаны дұрыс", - дейді "Ali Baba" кафесінің иесі Рысбек Болдыбаев.
Қазіргі таңда тесттік режимде 20 кәсіпорын жұмыс істеп жатыр. Бас мемлекеттік санитарлық дәрігердің 14-қаулысына сәйкес, 26 сәуірден бастап Маңғыстау облысындағы барлық кәсіпорын "Ashyq" жүйесіне қосылады.
"Бұл жобаның артықшылығы қызыл аймақтағы кәсіпорындар сары аймақтың шарттары бойынша жұмыс істей алады. Ал сары аймақтың кәсіпорындары жасыл аймақтың шарттарымен жұмыс істейді. Яғни кәсіпорын Инфо Қазақстан платформасы арқылы, өзіне QR код жүктеп алады. Ал кейін келген азаматтар нысанға кірген кезде QR-кодты сканерлейді. Бұл өзінің статусын анықтауға көмектеседі. Бағдарламада 4 статус берілген", - дейді "Атамекен" кәсіпкерлер палатасының эксперті Шынар Ахметқалиева.
Оның айтуынша, келушінің мобильді қосымшасында индикатор көрінеді. Қызыл түс - келушінің науқас екенін, сары түс - байланыста болғанын, ал жасыл түс – ПТР тест тапсырып, вирусқа анықталмағандығын білдіреді. Көк түс ПТР зерттеуден өтпегенін көрсетеді.
Жұлдызай ҚАЛИЕВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.