«Киелі Маңғыстау» атты деректі фильм түсірілді

«Киелі Маңғыстау» атты толық метражды деректі фильм түсірілді. Фильм ертеңнен бастап республикалық телеарналарда көрсетіледі, - деп хабарлайды mangystaumedia.kz сайты.

Маңғыстау облысы әкімдігінің айтуынша, Маңғыстауда тұрғын үй, жол құрылысы қарқынды жүріп жатыр. Өндіріс пен туризм саласында да оң өзгерістер бар. Ірі жобалар орындалып жатыр. Осы оң өзгерістер деректі фильмге арқау болған.

Яғни, деректі фильм Н.Жантөрин атындағы драма театрының актеры Медғат Өмірәлиевтің аймаққа сапары туралы болмақ. Сол арқылы Маңғыстау өңірінің өткен тарихы мен бүгінгі өндірістік қуаты жайында баяндалады.

Еске сала кетейік, ҚР Президентінің Телерадиокешені ел Тәуелсіздігінің 30 жылдығы қарсаңында «Қуатты өңірлер – қуатты Қазақстан» атты арнайы жобаны қолға алған. Жоба аясында деректі фильмдер түсіруді бастаған болатын.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.