«Таза сайлау» бақылаушылары Маңғыстауда

2021 жылы өтетін Мәжіліс депутаттарының кезекті сайлауының әділ өтуіне үлес қосу үшін қоғам белсенділері мен журналистер «Таза сайлау» азаматтық бақылау ұйымын құрған болатын.

Ұйымның құрамында белгілі қоғам қайраткері Б. Ғабдуллин, саясаткер Э.Полетаев, белгілі журналист, блогерлер М.Садық, Ж.Ахметова, Ерқанат Көпжасарұлы сынды белсенділер бар. Сонымен қатар ұйым республиканың әр өңірінде белсенді қолдауға ие болды.

Ақтау мен Жаңаөзен қаласы бойынша «Таза сайлау» бақылаушылар ұйымының жетекшісі Айсұлу Дутбаева болып бекітілді. Сонымен қатар ұйым қатарында Бекмұханбет Зәкібай, Айгүл Гусманова, Есенбай Қалдаманов сынды облыстың белсенді азаматтары бар.

«Біз ешқандай партияға, Үкіметке қарсы емеспіз. Ешқандай оппозициялық көзқарасымыз жоқ. Басты мақсатымыз – сайлаудың әділ өтуін бақылау. Қазіргі уақытта дейін 120-ға жуық мобильді комиссарларды дайындадық. Бастапқыда осыншама адамды қайдан жинаймыз деп ойлаған едік, алайда ел азаматтарының белсендігі жоғары болды. Бұл бізді қуантады», деді Ақтау мен Жаңаөзен қаласы бойынша «Таза сайлау» бақылаушылар ұйымының жетекшісі Айсұлу Дутбаева.

Ақтау қаласы бойынша 78 сайлау учаске бар. Жаңаөзен қаласы бойынша 38 учаске бар. «Таза сайлау» бақылаушылар ұйымы осы екі қалада белсенді жұмыс істеп, мобильді комиссарларды дайындап жатыр.

Айта кетейік, 2021 жылдың 10 қаңтары күні елімізде Мәжіліс депутаттарының кезекті сайлауы өтеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.