Маңғыстауда «Қазавиақұтқару» тікұшағымен аэровизуалды шолу жасалды

Облыстық Төтенше жағдайлар департаменті «Қазавиақұтқару» АҚ-ның ЕС-145 (Еврокоптер) тікұшағымен аэровизуалды шолу жасады, - деп хабарлайды mangystaumedia.kz сайты.

Басты мақсаты – су басу қаупі бар жерлерге, Каспий теңізінің акваториясы жағалауындағы шомылуға тыйым салынған жерлерге мониторинг жасау, төтенше жағдайдың алдын алу.

Шолу барысында Маңғыстау облысы аумағындағы табиғи және техногенді саладағы төтенше жағдайлар картасына аса қауіпті жерлерін белгілеп, аса қауіпті жерлерге қосымша посттар қою және жоғары жүрісті техникаларды жұмылдыру туралы тапсырмалар берілді.

Маңғыстау облысы ТЖД бастығының орынбасары подполковник Б. Абдикадыровтың айтуынша, мұндай ұшу оқу-жаттығулар Төтенше жағдайлар Министрлігінің бекітуімен өтіп жатыр. Сондықтан тек біздің облыста ғана өтпейді. Әр жыл сайын барлық өңірде ұйымдастырып отырады. Сонымен қатар төтенше жағдайларды жою және авариялық-құтқару мен іздестіру жұмыстарын жүргізу барысындағы сапалыққа әсер етеді.

Айта кетейік, аэровизуалды шолуға Маңғыстау облысының Төтенше жағдайлар департаментінің бастығы азаматтық қорғау подполковнигі Мұрат Мұханов, орынбасары подполковник Бекболат Каирбекұлы Абдикадыров және Маңғыстау облысының Төтенше жағдайлар департаментінің «ӨСжАҚЖҚ (Ақтау қаласы)» ММ бастығының міндетін атқарушы азаматтық қорғау подполковнигі Мирбек Қараев қатысты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.