Ақтауда жабайы ит-мысықтарды бағу үшін арнайы орталық ашу жоспарланып жатыр. Осы мақсатта №7 өндірістік аймағынан 1,85 га жер бөлінді, - деп хабарлайды mangystaumedia.kz сайты Ақтау қаласы әкімдігінің баспасөз қызметіне сілтеме жасап.
Аталған жұмыстарды талқылау мақсатында Ақтау қаласы әкімінің орынбасары М. Абдыкадировтың төрағалығымен жиын өтті. Жиынға Маңғыстау облыстық ветеринария басқармасы, Маңғыстау облысының аумақтық инспекция өкілдері, Ақтау қалалық кәсіпкерлік және ауыл шаруашылығы бөлімінің мамандары және «Шанс» қоғамдық қорының өкілдері қатысты.
Қазіргі таңда арнайы орталық ашу үшін конкурс жариялау бойынша жұмыстар жүргізіліп жатыр. Конкурстың шарттарын жасақтауды облыстық және қалалық ветеринариялық бөлімдерге, «Эко Мангистау» мемлекеттік емес ұйымы, «Шанс» қоғамдық қоры және басқа да жануарлар дүниесін қорғаумен айналысатын ұйымдарға, кәсіпкерлерге ұсынды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
