Мүлік салығы мен жер салығын 10 маусымнан кешіктірмей төлеу керек

Маңғыстау облысы бойынша Мемлекеттік кірістер департаменті хабарлайды, «Салық салу мәселелері бойынша «Экономиканы тұрақтандыру жөніндегі одан арғы шаралар туралы» Қазақстан Республикасы Президентінің 2020 жылғы 16 наурыздағы №287 Жарлығын іске асыру жөніндегі одан арғы шаралар туралы» Қазақстан Республикасы Үкіметінің 2020 жылғы 20 сәуірдегі №224 қаулысының 5-тармағына сәйкес 2019 жылғы міндеттемелер бойынша салық есептілігі нысандарын ұсыну мерзімі 2020 жылғы 31 наурыздан 2020 жылғы 31 мамырға ауыстырылды.

Сәйкесінше, 2019 жылғы міндеттемелер бойынша 100.00, 240.00, 700.00 СЕН ұсыну мерзімі 2020 жылғы 31 мамырға ауыстырылды.

Осылайша, шағын, шағын немесе орта кәсіпкерлік субъектілерінің санатына жатқызылған салық төлеушілер үшін 2019 жылға 100.00, 700.00 салық ұсыну мерзімдерін ауыстыруға байланысты көрсетілген салық төлеушілер корпоративтік табыс салығы бойынша төлемді жүзеге асырады және түпкілікті есеп айырысуды жүргізеді және мүлік салығы мен жер салығын 2020 жылдың 10 маусымынан кешіктірмей төлейді.

240.00 СЕН ұсыну мерзімін ауыстыруды ескере отырып, жеке тұлға дербес есептеген ЖТС 2019 жылғы міндеттемелер бойынша ЖТС бойынша декларацияны тапсыру үшін белгіленген мерзімнен кейін күнтізбелік он күннен кешіктірмей төленеді, мұндай ЖТС төлеу мерзімі 2020 жылғы 10 маусымға ауыстырылады.

#mangystaumkd

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.