Ақтауда «Жігіт сұлтаны - 2019» байқауы ұйымдастырылды
[ 2019 ] 6 желтоқсан, 07:00 | Жаңалықтар
Ақтауда «Жігіт сұлтаны - 2019» байқауы өтті. Қазақстан халқы Ассамблеясы мұрындық болған осынау додаға өңіріміздегі этнос жастары қатысты.
Жігіттер сайысын ұйымдастырудағы мақсат — қазақтың салт-дәстүрі мен ұлттық құндылықтарын насихаттау, этнос жастарын қазақ елін, жерін құрметтеуге отаншылдыққа, батырлыққа, шыншылдыққа, өз елінің патриоты болуға тәрбиелеу. Байқауға қатысқан сегіз жігіттің барлығы да өнерлі де, бойларында ақындық қабілет те бар жастар.
Сайыс барысында қатысушылар өз бойларындағы бар өнерлерін көрсете білді. Бірі қазақ ханы Абылайдың батырлығын бейнелесе, бірі ұлы ақын Абайдың өлеңдерін, қара сөздерін жатқа мәнерлеп оқыды. Байқау барынша тартымды да, тартысты өтті.
Оқи отырыңыз: Жетібайда 72 пәтерлік екі тұрғын үй салынады
Жастарды жігерлілік пен ұстамдылыққа, тапқырлық пен ақылдылыққа, ізгілік пен парасаттылық, өзі тұратын елін сүюге тәрбиелеуде маңызы зор бұл байқаудың сайыскерлеріне әділқазылар алқасы әділ бағасын берді. Қорытынды бойынша
ұлты татар Ержан Альмир І орынды иеленді. ІІ орын әзербайжан ұлтынан Рауль Алыевке бұйырса, қарақалпақ жігіті Бекболат Арзиев ІІІ орынға шықты. Жеңімпаздар арнайы дипломдар және ақшалай сыйлықтармен марапатталды.
Сайыс соңы өңірлік Ассамблеяның шығармашылық топтарының концерттік бағдарламасына ұласты.
Валентина ҚОЗЫБАҚОВА
1212
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
