Көпбалалы отбасыларға берілетін жәрдемақыны қалай рәсімдеу керек?

Көпбалалы отбасыларға берілетін жәрдемақы тек ХҚО арқылы рәсімделеді.

Жәрдемақыны рәсімдеу үшін:

• Тұрғылықты мекенжайыңызға қарасты ХҚО-ға кезекті алдын ала брондаңыз;
• Тағайындалған уақыттан ХҚО-ға 20 минутқа ерте барыңыз;
• Операторға төмендегі құжаттарды өткізу арқылы жәрдемақыға өтініш жазыңыз.

Өзіңізбен бірге мына құжаттарды алыңыз:

• Жеке куәлік;
• Балалардың құжаттары;
• Банктік есепшот жөніндегі анықтама.

Ескерту, 18 жасқа толған балалары бар отбасыларға жәрдемақы, бала жоғарғы оқу орнының күндізгі бөлімінде оқып жатса және ол 23 жасқа толғанша оқуынан анықтама өткізсе ғана төленеді.

Төлем мөлшері:

4 бала үшін - 16,03 АЕК (44 531 тг);
5 бала үшін – 20,04 АЕК (55 671 тг);
6 бала үшін – 24,05 АЕК (66 810 тг);
7 немесе одан да көп бала үшін - 28,06 АЕК (77 950 тг).

Қызмет көрсету уақыты құжат тапсырған күнді есепке алмағанда 8 жұмыс күнін құрайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.