Ақтау қаласының әкімі Нұрдәулет Қилыбай көпбалалы аналарды марапаттады

Бүгін Ақтау қаласының әкімі Нұрдәулет Қилыбай көпбалалы аналарға «Алтын алқа» және «Күміс алқа» төсбелгілерін табыстады, - деп хабарлайды mangystaumedia.kz сайты.

ҚР-ның Президентінің 2020 жылғы 24 шілдедегі №375 жарлығы бойынша 3 ана «Алтын алқа», 7 ана «Күміс алқамен» марапатталды.

Қала әкімі өз құттықтауында Маңғыстау өңірінің республика бойынша туу көрсеткіші жөнінен көшбасшы аймақ екенін атап өтті.

«Бүгінде Ақтауда 5 830 көпбалалы ана бар. Оның ішінде 1 418 «алтын алқа», «күміс алқа» иегері тұрады.

«Ананың құдіреті шексіз. Оның алдында бүкіл әлем бас иеді» - деп тегін айтылмаса керек. Қаймағы бұзылмаған қазақ халқы әйел затын аса қатты қадірлейді. Ананың жанұядағы, тәрбие берудегі рөлі өте маңызды әрі көп еңбек етуді талап етеді. Алғашқы адамгершілік қасиеттерін – үлкендерді құрметтеу, ата-анаға және Отанға деген сүйіспеншілік секілді сезімдерін Ана ғана оята алады. Еңбектеріңіз үшін Сіздерге мың да бір алғыс айтамын», - деп өз құттықтауын жеткізді Нұрдәулет Қилыбай.

Жиын барысында ақ жарма тілектер айтылып, көпбалалы аналар алғыстарын жеткізді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.