Бейнеу ауданында ХҚКО ғимараты жөндеуден өтті

Аудандық ХҚКО «Жұмыспен қамтудың 2020-2021 жылдарға арналған жол картасы» аясында жөндеуден өтті. Жөндеу жұмыстарын «Бердаулет» ЖШС жүргізді. Қайта қалпына келтіру жұмыстарына 13 млн 631 мың теңге жұмсалды. Бұл туралы Бейнеу аудандық әкімдігінің баспасөз қызметі мәлімдеді, - деп хабарлайды mangystaumedia.kz сайты.

Ғимараттың іші сырланып, есіктері ауыстырылды. Жөндеу жұмысын жүргізген мердігер компания жұмыспен қамту орталығы арқылы 7 тұрғынды жұмыс тобының қатарына алды.

«Ғимарат 2007 жылы ашылғаннан бері жөндеуден өтпеген. Соның салдарынан ғимарат іші жаз мезгілінде ыстық, қыста салқын болатын. Жөндеу жұмыстары аяқталғаннан кейін қызметкерлер жарық бөлмелерде, санитарлық талаптарды сақтай отырып жұмыс істеп жатыр» - деді аудан әкімі Бейнеубек Әбілов.

Еске сала кетейік, халыққа қызмет көрсету орталығының жұмыс уақыты жұмыс күндері сағат 08:00 – 18:00, сенбі күні сағат 08:00 – 14:00 аралығы жұмыс істейді. Карантин уақытында барлық қызмет түрі көрсетіледі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.