Эко-волонтерлар «Taza Qazaqstan» экологиялық акциясы аясында «Ақтау-Форт-Шевченко» тас жолының 43 шақырымында сенбілік өткізді, - деп хабарлайды mangystaumedia.kz сайты.
Сенбілік таңғы сағат 09:00-ден басталып 17:00-ге дейін жалғасты. Нәтижесінде еріктілер 5 тонна қоқыс шығарды.
«Рейд барысында жастардың сенбілік ұйымдастырғанын көрдік. Олармен әңгімелесіп, бірге экологиялық акцияға белсенді қатыстық. Жастар жарап тұр, демалыс аумағын қоқыстан тазартуға бел сыбана кіріскен. Негізінде теңіз жағалауында демалған тұрғындардың өздері қоқыстарын тазалап кеткені дұрыс. Біз барша демалушылардан өздерінен кейін қоқыс қалдырмауын сұраймыз», - дейді Нұрлан Садықов.
Айта кету керек, өңірде мұндай эко-сенбіліктер тұрақты өткізіліп тұрады. Шараға кез келген адам белсенді түрде қатыса алады. Маңғыстау облысының экология департаменті мен облыстық табиғи ресурстар және табиғат пайдалануды реттеу басқармасы осындай акцияларды үнемі қолдап отырады. Экологтар тазалық үшін жауапкершілік әрқайсымызға жүктеледі және ортақ күш-жігермен ғана тәртіп орнатуға болатынын еске салады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
