Маңғыстауда тағы 1 адамнан COVID-19 анықталды

Ол 1948 жылы туған ер адам, Қарақия ауданы, Сенек ауылының тұрғыны. Ол коронавирус инфекциясын жұқтырған адаммен қарым-қатынаста болған. Сол себепті, зертханалық сынама алынған. ПТР диагностикалық зерттеу нәтижелері бойынша COVID-19 диагнозы нақтыланды, делінген МО ҚКО таратқан ақпаратта.

Қазіргі уақытта науқас Жаңаөзен қаласының инфекциялық ауруханасына жатқызылды. Науқаспен қарым-қатынаста болған адамдар анықталып, барлығы медициналық бақылауға алынуда. Ауру ошақтарында дезинфекциялық жұмыстар жүргізілді. Эпидемияға қарсы іс-шаралар қолға алынған.

01.05.2020 ж. жағдай бойынша өңірде барлығы 49 адамнан COVID-19 вирусы анықталды:

Ақтауда – 18;

Жаңаөзенде – 7;

Маңғыстау ауданында – 4;

Мұнайлы ауданында – 3;

Қарақия ауданы – 16;

Бейнеу ауданы - 1;

Жазылып шыққаны – 8;

Қайтыс болған – 1.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.