Маңғыстауда тағы 1 адамнан коронавирус анықталды

Маңғыстау облысында коронавирус жұқтырған 1 адам анықталды. 1993 жылғы жігіт, Қарақия ауданы, Сенек ауылының тұрғыны. Ол сол ауылда коронавирус инфекциясын жұқтырған алғашқы адаммен қарым-қатынаста болған. Сол себепті, зертханалық сынама алынған. ПТР диагностикалық зерттеу нәтижелері бойынша COVID-19 диагнозы нақтыланды.

Науқаспен қарым-қатынаста болған адамдар анықталып, барлығы медициналық бақылауға алынуда. Ауру ошақтарында дезинфекциялық жұмыстар жүргізілді. Эпидемияға қарсы іс-шаралар қолға алынған.

30.04.2020 ж. жағдай бойынша өңірде барлығы 46 адамнан COVID-19 вирусы анықталды.

Ақтауда – 18

Жаңаөзенде – 6

Маңғыстау ауданында – 4

Мұнайлы ауданында – 3

Қарақия ауданы – 15

Жазылып шыққаны – 8

Қайтыс болған – 1

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.