Нұрдәулет Жарылғапов "Сарыарқа батырлары" турнирінде топ жарды

Маңғыстаулық Нұрдәулет Жарылғапов қазақ күресінен чемпион атанды, - деп хабарлайды mangystaumedia.kz сайты.

Қарағандыда С.Сапиев атындағы спорт кешенінде Қажымұқан Мұңайтпасовтың 150 жылдығына арналған Қарағанды қаласы әкімінің жүлдесі үшін ересектер арасында қазақ күресінен "Сарыарқа батырлары" республикалық турнирі үшінші рет өтіп жатыр. Кеше, 20 сәуір күні +100 кг-нан жоғары салмақта үздік палуандар анықталды.

Олар:

І орын - Нұрдәулет Жарылғапов (Маңғыстау облысы),
ІІ орын - Айбек Нұғмаров (Шығыс Қазақстан облысы),
ІІІ орын - Руслан Әбдіразақов (Алматы облысы),
ІІІ орын - Айбат Сейтен (Нұр-Сұлтан қаласы).

Жерлесіміз Қарабура - Нұрдәулет Жарылғаповты жеңісімен құттықтаймыз! Алдағы белдесулерде де бабы мен бағы қатар шауып, жауырыны жерге тимеуін тілейміз!

Айбек МҰХАНОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.