Ұлыстың ұлы күні Маңғыстауда жыршы-термешілер байқауы өтті
[ 2019 ] 22 наурыз, 16:19 | Мәдениет
Ақтауда Ұлыстың ұлы күніне арналған «Жыр ғұмыр» атты қалалық жыршы-термешілер байқауы өтті. Дәстүрлі түрде 5-рет ұйымдастырылған байқауға 11 термеші қатысты, - деп хабарлайды mangystaumedia.kz сайты.
Жарыста Маңғыстау өнер колледжінің ұстазы, термеші Сәбит Шекітбаев, халықаралық байқаудың жүлдегері Нұрболат Мусагалиев пен республикалық жыршы-термешілер сайысының лауреаты Болат Бисенқұлов әділқазылық етті. Сондай-ақ «Жетісаз» дәстүрлі аспаптар студиясының жетекшілері Кенжебек Аяғанов пен Әлібек Мұратов қазылар мүшесінде болды.
«Бұл шараның мақсаты – өскелең ұрпаққа ұлттық құндылықтарымызды дәріптеу, асыл жырлар мен термелерді насихаттау», - дейді Абай атындағы мәдени-демалыс кешенінің мәдени іс-шаралар ұйымдастыру бөлімінің меңгерушісі Наргиза Омар.
Сайыс қорытындысында бас жүлдені ақтаулық Манас Әділбаев иеленді. 1-орынды Маңғыстау өнер көлледжінің студенті Аққу Ермекбаева алса, 2-орынды Аягөз Төремұрат пен Әлібек Тоқтасынов еншіледі. 3-орын Ақмарал Омарға бұйырды.
Шара соңында жүлдегерлер дипломмен марапаттап, ақшалай сыйлықтар берілді.
Суреттерді түсірген Талант ҚҰСАЙЫН
[gallery td_select_gallery_slide="slide" ids="75714,75713,75712,75711"]
1328
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.