Ақтауда «Каспий жұлдызы» атты республикалық конкурс өтті

Ақтау қаласында «Ұлыс» ғылыми-зерттеу орталығы қоғамдық қорының ұйымдастыруымен Абай атындағы мәдени-демалыс кешенінде «Каспий жұлдызы» атты республикалық конкурс өтті. Аспапта орындау, ансамбль, вокал, хореография және көркемсурет номинациялары бойынша 10-15 жас аралығындағы оқушылар сынға түсті.

Жас бүлдіршіндердің өнерге деген ынта мен қызығушылығы жоғары екендігін өткізілген конкурстан анық байқауға болады. Осы байқауда Ақниет Істұрған «Ақжелең» шығармасымен «Домбыра» номинациясын және кіші топ бойынша үшінші дәрежелі дипломант атағын иеленді. Ерасыл Наурызбай екінші дәрежелі лауреат атанса, Жансұлу Абдимажит халық әнімен («Ақсұр ат») бірінші дәрежелі лауреат атағына ие болды.

Орта топта үшінші дәрежелі дипломант атағын Жансая Исаева және Ернар Мұханбет иеленсе, Бақдәулет Есет «Қосалқа», «Кісен ашқан» күйлерін орындап, бірінші дәрежелі дипломант атанды. Сондай-ақ Ақбота Ілесбай «Айжан қыз» шығармасын орындап, Айым Сақы «Ақерке» әнін шырқап бірінші дәрежелі лауреат атанса, үлкен топтағы Данияр Орынбекұлы «Балбырауын», «Тойбастар» күйлерін орындап, Бекұлан Сағытжанов «Сүйген жар» шығармасымен үшінші дәрежелі дипломонт және лауреат атағына ие болды. Халық әні «Ақайша» және «Махамбеттің термесі» туындыларын Сәнболат Бисенов орындап, үшінші дәрежелі лауреат атанса, Ақбота Қартбай «Шымыр», «Қыз дәурен» әнін шырқап, екінші дәрежелі лауреат атағын жеңіп алды.

Тағы оқыңыздар: Тапа-тал түсте ток ұрлайтындарға тыйым болады

«Вокал» номинациясының кіші тобы бойынша Анель Мырзаш латын және халық әнін орындап, екінші дәрежелі лауреат атанса, Ернұр Аманбай «Туған жер», «Әке-ана» әнін шырқап, үшінші дәрежелі лауреат атағына ие болды. Дәурен Бұлышбай «Мама» әнін және еврей халқының «Тумбала-лайка» әнін айтып, үшінші дәрежелі лауреат атағын иеленді. Аружан Тоқтарбай халық әні «Маусымжанды» орындап, бірінші дәрежелі дипломант атанды.

Өнерлі өрге жүзер деген осы болса керек.

З.ӘБДІЛ-САТТАР

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.