Ақтауда жамбас сүйегі сынған жас жігітке ота сәтті жасалды

Бұл туралы Маңғыстау облыстық ауруханасының травмотология бөлімшесінің меңгерушісі Есет Шахатбаев айтты, - деп хабарлайды mangystaumedia.kz.

Ауыр дене жарақатымен түскен науқас үйіне жіберілген. Оның денсаулығына төніп тұрған қауіп жоқ. Жас жігіт Мұнайлы ауданында жеке үйдің бірінде жөндеу жүргізіп кезде екі метр биіктіктен құлаған. Туысқандары оны дереу облыстық ауруханананың қабылдау бөліміне жеткізген. Содан соң ол травмотология бөлімшесіне аударылған.

Травматолог мамандар рентгенге және компьютерлік томографияға түсірген соң, стационарлық емдеуге алу жөнінде шешім қабылдаған. Жамбас сүйегінде көптеген жабық сынығы клиникалық диагнозы қойылды.

Ауруханаға түскен кезінде науқас сол жақ жамбас буыны ауырып, мазалай беретіні туралы айтқан болатын. Барлық анализдері алынған соң облыстық ауруханада ота жасау туралы шешім қабылданды. Әрине, толықтай аяғына тұрып кету үшін біраз уақыт керек. Қалған ем-дом шараларын тұрғылықты мекенжайы бойынша емханада жалғастыратын болады, - дейді Есет Шахатбаев.

Сөз соңында жас жігіт ақ халатты абзал жандарға алғыстан басқа айтарым жоқ деп, өзінің ізгі тілегін жеткізді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.