Маңғыстаулық құсбегілер халықаралық сайыстан олжалы оралды
[ 2019 ] 12 қараша, 10:33 | Қоғам
Маңғыстаулықтар халықаралық «Ұлы дала мұрасы» атты құсбегілер сайысынан күміс және қола жүлдені иеленді, - деп хабарлайды mangystaumedia.kz сайты.
8-10 қараша күндері Қарағандыда өткен игі шара Сәкен Сейфуллиннің 125 жылдығына орай ұйымдастырылды. Сайысқа елдің барлық өңірінен және Моңғолия, Қырғызстан елдерінен келген 80-ге жуық бүркітші қатысты. Ал Маңғыстау облысы атынан сайысқа Аушуақ Тайманов екі шәкіртімен қатысты.
Екі күнге созылған дүбірлі додада құсбегілер қыран құсты қияға самғатып, қолына қондырып және шырғаға салды. Сондай-ақ сайыста саятшылардың киім үлгісі де әділқазылар алқасының назарынан тыс қалмаған.
Нәтижесінде маңғыстаулық Айшуақ Асылжанұлы бастаған құсбегілер 2 және 3-орындарды қанжығасына байлады.
Жұлдызай ҚАЛИЕВА
Суретті Айшуақ Асылжанұлы ұсынды
978
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
