«Қыс-2019» республикалық командалық-штабтық оқу-жаттығуы өтті
[ 2019 ] 7 қараша, 06:09 | Қоғам
Ақтауда «Қысқы кезең жағдайында төтенше жағдайларды жою кезіндегі іс-қимылдарға азаматтық қорғау мемлекеттік жүйесінің басқару органдары мен күштерін дайындау» тақырыбында «Қыс-2019» республикалық командалық-штабтық оқу-жаттығуы өтті. Маңғыстау облысы төтенше жағдайлар департаментінің бастығы Қуанар Базарбаев облыс әкімінің бірінші орынбасары Әлихан Қыраубаевқа департаменттің қысқа дайындығы жайлы есеп берді.
Оқу-жаттығу барысында қысқы кезең жағдайындағы төтенше жағдайларды жоюға азаматтық қорғау мемлекеттік жүйесі және халықтың әзірлігі мен қабілет деңгейін арттыру; көлік магистральдары мен тыныс-тіршілікті қамтамасыз ету объектілерінің жұмыс істеуі бұзылған жағдайда өздеріне бағынышты күштерді басқару бойынша салалық және аумақтық кіші жүйелердің жұмысында үйлесімділікті жетілдіру; қысқы кезеңдегі төтенше жағдайларда азаматтық қорғау қызметтері мен құрылымдарының әзірлігі тексерілді. Оның ішінде өртке қарсы қызмет, қоғамдық тәртіп сақтау, медициналық жәрдем көрсету қызметтерінің қысқа қауқарының деңгейі анықталды.
– Қазір ТЖД-ның қысқа дайындықтары республикалық деңгейде тексеріліп жатыр. Бүгінгі таңда облыстық департаментте 150-ден астам жеке құрам, 60-тан астам техника бар. Біз қыста орын алатын төтенше жағдайларға дайынбыз. Өрт сөндіру, жолдар тазалайтын көліктер дайын тұр. Маңғыстауда көп қар жаумаса да жаңбыр жауып, көктайғақ пайда болады. Осындай жағдайлардың алдын алу үшін біз магистральды жолдың екі жиегінде арнайы құм төгіп қойдық, – дейді ТЖД бастығының орынбасары Манарбек Мұханбетов.
Арай ЖАУПЕРОВА
875
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
