Рухани кеш өткізді
[ 2019 ] 27 қыркүйек, 10:20 | Қоғам
Биыл – еліміз үшін, әсіресе маңғыстаулықтар үшін мерейлі жыл. Қазақстанның халық жазушысы, мемлекет және қоғам қайраткері, Еңбек Ері Әбіш Кекілбайұлының 80 жылдық мерейтойы республика көлемінде тойланбақ.
Сондай-ақ Әбекеңнің ізін басқан қаламгер інісі, Қазақстан Жазушылар Одағының мүшесі, «Қазақстанның үздік өлкетанушысы» атағының иегері Отыншы Көшбайұлы атамыз 70 жасқа шыққалы отыр. Осыған орай «Құрық орта мектеп-гимназиясында» мектеп әкімшілігі мен қамқоршылық кеңестің қолдауымен Елбасының «Болашаққа бағдар: рухани жаңғыру» мақаласындағы «Туған жер» бөлімі бойынша ҚР Жазушылар Одағының мүшесі, өлкетанушы ғалым Отыншы Көшбайұлы және айтыскер ақын Нұртай Қонайұлымен кездесу өтті.
Сұқбатқа негізделген тәлім сағатын мектептің қазақ тілі мен әдебиеті пәнінің мұғалімі Ақжол Әбибуллаев жүргізді. Екі сағатқа жуықтаған керемет жиынға ұстаздар мен оқушылар қатысып, Әбіш әлеміне саяхат жасады. Отыншы аталарының өзі туралы, ғылым жолындағы ізденістері туралы әсерлі әңгімелерін тыңдап, рухани сабақ алды.
Өз тілшіміз
1713
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
