Бизнес 3 күнде: Бейнеуде 20-дан астам отбасы өз кәсібін бастады
[ 2019 ] 12 маусым, 11:20 | Қоғам
Өздеріңіз естіп, біліп жүргендей, Маңғыстау облысы әкімдігінің бастамасымен және жергілікті жомарт жүректі азаматтардың қолдауымен облыс көлемінде көпбалалы аналардың, аз қамтылған отбасылары мен мүжәлсіз жандардың кәсіпкерлікпен айналысуына мүмкіндік жасау бағытындағы «Бизнес 3 күнде» жобасы аясында жұмыстар Бейнеу ауданында да жалғасып жатыр.
Аталған жоба бойынша осы күнге дейін аудандағы 22 отбасына 2,4 млн. теңге қолдау көрсетілген. Соның ішінде 10-ы тігінмен, 3-і құс өсірумен айналысуды, 8-і нан өнімдерін дайындауды, 1-еуі ағаш бұйымдарын жасауды, 1-еуі салат өнімдерін дайындауды, 1-еуі шаштараз қызметін көрсетуді қолға алғандар кәсіпкерлігін бастаған болатын.
Осы ізгілікті шара жалғасын тауып, осы жылдың 4 маусымы күні Бейнеу ауылында тұратын көпбалалы аналар мен аз қамтылған 3 отбасына «Ақжол-құрылыс» ЖШС-нің демеуімен нан өнімдерін дайындап, кәсіпкерлігін бастау үшін Света Нұрғалиеваға, тігінмен айналысуға Айман Тұржұпароваға және ағаш бұйымдарын жасауға талаптанған Амангелді Қожақовқа қажетті құрал-жабдықтар алынып, берілді.
Кәсіпкерлікті бастауға талаптанған отбасыларына құрал-саймандарды компанияның өкілдері Қуандық Ізімбердиев, Жазира Даутова, Асқар Туленов және «Бизнес 3 күнде» жобасының Бейнеудегі үйлестірушісі Құралай Ізтілеуова табыс етті. Бейнеуліктер құрал-жабдықпен көрсетіп жатқан көмегі мен мүмкіндікті мүлт жібермей пайдаланып, кәсібін дамытуға тілектестігін білдірді. Бизнесті бастаушыларға қажетті заттарын алып берген мекеме өкілдері құрал-жабдықтарды қалай пайдалану жолдарын түсіндіріп, көрсетті. Аталған мекеменің жомарт жүректі басшыларының осындай демеу көмегіне бизнесті бастаушылар дән риза болып, олардың сенімін ақтауға еңбектене беретіндіктерін айтты.
К.ШЕРУБАЙҰЛЫ
746
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
