Бейнеу аудандық мәдениет үйінде «Екі жұлдыз» шоу-концертті өтті, деп хабарлайды mangystaumedia.kz облыстық ҚКО-ға сілтеме жасап.
Шараның басты ерекшелігі - әртүрлі саланың қызметкерлері мен өнер адамдарының жұптасып ән салуы.
«Екі жұлдыз» шоу-концерттік жобасының негізгі мақсаты - білім мен тәрбиеге қатар негізделген озық мәдениетті насихаттай отырып, дарынды қызметкерлерді жарыққа шығару. Сондай-ақ қызметкерлердің шығармашылық дамуына жағдай жасау, дарыны мен шеберлігін көрсетуіне мүмкіндік тудыру.
Шара соңында Бейнеу ауданының әкімі Бейнеубек Әбілов үздік қатысушыларды марапаттады.
- Бейнеу ауданында «Екі жұлдыз» шоу-концерті алғаш рет 2016 жылы «Алғыс айту» күніне орай ұйымдастырылып еді. Биыл төртінші рет болып отыр.
Концертіміз «Қозы Көрпеш - Баян сұлу күні»-не тұспа-тұс, 15 сәуір күні өтіп жатыр. Оған ауданымыздың кәсіпорын басшылары, қызметкерлер және кәсіпкерлер қатысты. Қоғамның әртүрлі саласында жүрсе де, жүрегі өнер деп соққан өзге мамандық иелері ауданымызға танымал өнерпаздармен бірге киелі сахнада ән шырқады, - деді Бейнеу аудандық мәдениет, дене шынықтыру және спорт бөлімінің бас маманы Арна Сүйінов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
