Маңғыстауда 535 мемлекеттік қызмет заңбұзушылығы анықталған

Маңғыстау облысы бойынша көрсетілетін мемлекеттік қызметтердің сапасын арттыру бағытында 2018 жылда департамент тарапынан 81 (2017 жылы – 50) тексеру жүргізілген. Нәтижесінде 535 (2017 жылы – 717) заң бұзушылық анықталған. Яғни алдыңғы кезеңмен салыстырғанда анықталған заң бұзушылықтар 182 есеге азайған.

Бұл туралы ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің мемлекеттік көрсетілетін қызметтер басқармасының басшысы Жасұлан Маршакұлы Маңғыстау облыстық өңірлік коммуникациялар қызметінде өткен брифингте баяндады.

ҚР Үкіметінің 18 қыр­күйек 2013 жылғы №983 қаулысымен бекітілген тізілімге бүгінгі күні 741 мемлекеттік көрсетілетін қызметтер енгізілген.

Ол қызметтердің 66 пайызы өңірлерде орналасқан жергілікті атқарушы органдар (бағынысты ұйымдар) немесе орталық атқа­рушы органдардың аумақтық бө­лімшелерімен (бағынысты ұйым­дар) көрсетілсе, 34 пайызы орталық органдардың тікелей өздерімен көр­сетіледі.

«Мемлекеттік қызмет көрсетудің сапасын арттыру үшін орын алған кемшіліктерді жою, оларды бол­дырмау үшін алдын алу шараларын қабылдау ҚР Мемлекеттік қызмет істері және сыбайлас жемқорлыққа қарсы іс­-қимыл агенттігінің және оның аумақтық департаменттері­нің негізгі міндеттерінің бірі бо­лып табылады», – деді Жасұлан Маршакұлы.

Анықталған кемшіліктер ішінен қызметтердің мерзімін бұзу – өткен 2017 жылы 220 болса, 2018 жылы – 63 (оның ішінде бас тартулар кезін­де мерзім бұзу  – 32), құжаттардың толық болмауы – 70, стандартпен айқындалмаған құжаттарды сұра­ту – 204, ақпараттық жүйеден алуға болатын құжаттарды тікелей сұра­ту – 114, өзге бұзушылықтар 84 бол­ған.

Заң бұзушылықтардың басым көпшілігі сәулет және қала құры­лысы қызметінде – 182, қоршаған ортаны қорғау, жануарлар дүниесі және табиғи ресурстар саласында – 109, кеден ісінде – 49, «жанұя және бала» – 34, өзге салаларда 169 заң бұзушылықтар анықталған.

Ал мемлекеттік көрсетілетін қыз­меттер түрлері бойынша заң бұ­зушылықтардың басым бөлігі құ­рылыс және реконструкция (қайта жоспарлау, қайта жабдықтау) жо­баларына бастапқы материалдарды ұсыну, «ҚР­-дың аумағында жылжы­майтын мүлік объектілерінің мекен­ жайын айқындау бойынша анықтама беру», «1 санаттағы объектілер үшін мемлекеттік экологиялық сарапта­ а қорытындысын беру», мектепке дейінгі балалар ұйымдарына жібе­ у үшін мектепке дейінгі (7 жасқа дейін) жастағы балаларды кезекке қою, бақылау-­касса машиналарын (БМК) есепке қою және есептен шығару тағы басқа да кемшіліктер орын алған.

Мемлекеттік қызмет көрсету са­пасына қатысты жеке және заңды тұлғалардан барлығы 32 (18) өтініш түскен. Оның ішінде тексеру және ішкі талдаулар қорытындысымен, 13 арыз иесімен келтірілген дерек­тер өз дәлелін тауып, 100% қызмет алушылардың бұзылған құқықтары қалпына келтірілді.

Мысалы, арызданушының 26.03.2018 жылғы Ақтау қаласы бойынша жер учаскесінің нысаналы мақсатын өзгертуден бас тартуына қатысты арызы қаралды.

Тексеру барысында өтініште көрсетілген деректер өз дәлелін та­уып, Ақтау қалалық жер бөлімінің бас маманы «сөгіс» түріндегі тәр­тіптік жауапкершілікке тартылды.

Жер учаскесінің нысаналы мақ­саты өзгертіліп, өтініш иесінің бұ­зылған құқықтары толықтай қал­пына келтірілді.

Сонымен қатар брифинг ба­рысында азаматтар көбінесе жер қатынастары, геодезия және карто­графия, жанұя және бала, тұрғын үй­коммуналдық шаруашылығы, еңбек және халықты әлеуметтік қорғау бағыттары бойынша көбірек шағымданатынын айтты.

Қызмет көрсетудің мерзімдерін немесе тәртібін бұзу бойынша 26 (2017 жылы – 23) хаттама толты­рылып, 913 900 теңге айыппұл са­лынып, өндірілді (ҚР ӘҚБтК 465­ бабы 1,2,3-­тарм.).

Қазіргі таңда үкіметтік емес ұйымдармен, қоғам өкілдерімен бір­лесіп қызмет көрсету сапасын арт­тыру қарқынды дамып келеді.

Есептік кезеңде аумақтық депар­тамент үкіметтік емес ұйымдармен бірлесіп, «Жасырын тұтынушы» әді­сімен 191 (92) яғни өткен кезеңмен салыстырғанда 2 есе көп қоғамдық бақылау және 45 пост­-бақылау іс­-шараларын ұйымдастырды.

Нәтижесінде стандартта көздел­меген құжаттарды сұрату, қате кеңес беру және мүмкіндігі шектеу­лі адамдарға қолайлы жағдайдың болмауы секілді кемшіліктер мен бұзушылықтар анықталды.

Атап айтқанда жыл басынан бері 67 (50) бұзушылық анықталып, 43 ұсыным жолданып, барлығы орын­ далды.

Басым көпшілігінде жалпы ор­та білім беру ұйымдарымен оқу­шыларды қабылдау кезінде стан­дартпен бекітілген құжаттарды артық сұрату деректері кездесті. Мысалы, мекен-­жай анықтамасы, ата­-анасының жұмыс орнынан анықтама т.б.

Бүгінгі таңда бұл кемшіліктер жойылып, Ақтау қаласы әкімдігімен бірлесіп білім беру ұйымдары бас­шыларына түсіндіру жұмыстары жүргізілген.

Қызмет көрсету сапасын артты­руға бағытталған түсіндіру іс­-ша­ралары да есептік кезеңде өткен жылмен салыстырғанда айтарлық­тай жандандырылған. Мысалы, есептік тоқсанда 37169 (6371) адамның қамтылуымен 506 (225) түсіндірме жұмыстары жүргізіліп, түсіндіру жұмыстары 2,2 есеге, қамтылғандардың саны 30798 адам­ға артқан.

Зухра ӘБДІЛ-САТТАР

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.