Байланыс және ақпарат қызметкерлері күнінде «Нұр Отан» партиясы Маңғыстау облыстық филиалы бірге тығыз байланыста жұмыс жасап жүрген мереке иелерін құттықтады. Еліміздегі жетекші партия ұжымы өңірде халыққа байланыс қызметін ұсынып отырған мекемелер мен БАҚ өкілдерін құрмет-қошеметпен қарсы алып, ықыласқа бөледі.
– Бұқаралық ақпарат құралдары – халық пен биліктің арасындағы көпір. Елбасы Н.Назарбаевтың басшылығымен халықтың әл-ауқатын көтеру мақсатында жүргізіліп жатқан жұмыстарды, Жолдау мен елдік құжаттар, бағдарламалардың жүзеге асырылуы БАҚ арқылы насихатталады. Қарапайым жандардың тыныс-тірлігі мен мұң-мұқтажын да сіздер жария етесіздер. Өз жауапкершілігін терең сезініп, ісіне адал қызмет етіп жүрген журналистер бізбен тығыз қарым-қатынас орнатып, жұмыстарымызды насихаттап жүр. Жаһандану заманында қоғамымызда, күнделікті өмірімізде байланыс саласының алатын орны зор. Баршаңызды мерекемен құттықтап, дендеріңізге саулық, еңберіңізге табыс, отбасыларыңызға бақ-береке тілеймін! – деді «Нұр Отан» партиясы Маңғыстау облыстық филиалы төрағасының бірінші орынбасары Нұри Тумышев.
ТАҒЫ ОҚЫҢЫЗ: Дені сау ұрпақ — ел болашағы«Нұр Отан» партиясы Маңғыстау облыстық филиалы төрағасының орынбасары Звира Есбергенова мемлекетіміздің мүддесі мен мұраты жолында еңбек етіп жүрген жандарды мерекемен құттықтап, ақжарма лебізін білдірді. Салтанатты сәтте республикалық және жергілікті БАҚ өкілдерін Алғыс хатпен марапаттап, естелік сыйлықтар табыстады. «Маңғыстау-Медиа» ЖШС директоры Сағындық Рзахметов, облыстық қоғамдық-саяси «Маңғыстау» газетінің бас редакторы Ғалым Әріп, газет тілшісі Фарида Мұңалқызы, «Огни Мангистау» газетінің бас редакторы Наталья Бутырина және басылымның тілшісі Марина Қалағанова, «mangystaumedia.kz» сайтының редакторы Камшат Әбдірайым, фототілші Талант Құсайын марапатталды.
Мерекеде мерейі тасығандар жайылған ақ дастарханның қонағы болып, қызықты сұхбат, әсерлі әңгіме құрды.
Фарида МҰҢАЛҚЫЗЫ Суреттерді түсірген Талант ҚҰСАЙЫН
[gallery td_select_gallery_slide="slide" ids="56890,56891,56885,56892,56886,56887,56888,56889"]
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
