Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
«Ақпарат дәуірі» атанған қазіргі заманда саясат та, экономика мен әлеуметтік қарым-қатынастар да күн сайын өзгеріп, дамып, түрленіп тұр. Сағат сайын жаңарып жатқан ақпараттар да аз емес. Соған орай бүгінгі адам осынша қарқынды қозғалыс пен жаңаруларға бейімделуі тиіс, бейімделіп те келеді. Ақпарат ағымындағы үздіксіз қозғалыс, әсіресе, ақпарат жеткізуші журналистер мен блогерлерге зор міндеттерді артып тастады. Сондай-ақ ақпарат көзі шығып жататын мемлекеттік органдардың да әлеуметтік желілерде бұқара арасында сынға ұшырап жататыны жасырын емес.
Маңғыстау облыстық ішкі саясат басқармасының 2018 жылғы мемлекеттік әлеуметтік тапсырысын маусым айынан бастап жүзеге асырып жатқан «Жастар жетістіктері» қоғамдық қорының директоры Жақсыгүл Маханбетова ақпарат таратушылар үшін пайдалы жобаны қолға алғанынан хабардар етті.
Оның айтуынша, «Мемлекеттік органдар мен бұқаралық ақпарат құралдары арасындағы диалог пен өзара әрекеттесуді дамыту бойынша жұмыстарды ұйымдастыру, сондай-ақ «Республикалық және аймақтық БАҚ-мен Медиа Керуен» өткізу» әлеуметтік жобасының басты мақсаты—журналистердің кәсіби шығармашылық белсенділігін арттыру, журналистикалық білім беру жүйесін дамыту және ынталандыру болып табылады.
ТАҒЫ ОҚЫҢЫЗ: Қоқыс жинаушыларға күніне 80 шағым түседі екен- Жобаны жүзеге асыру барысында бұқаралық ақпарат құралдарында жарияланған материалдардың құқықтық аспектілері, жарияланымдары мен түсіндірмелер үшін басылымдар бойынша мемлекеттік органдардың баспасөз қызметшілері мен мемлекеттік органдардың қызметкерлеріне арналған оқыту семинары жоспарлануда, оған 25 журналист, баспасөз хатшылары қамтылатын болады, - деді Жақсыгүл Шахзадақызы. - Сонымен қатар ғаламтор желісінде, БАҚ, ең үздік әлеуметтік медиа-жобаларды анықтауға арналған «Медиа-Керуен» шарасы да 2018 жылы жалғасын табатын болады. Осы жоба аясында журналистер арасында дәстүрлі облыстық байқау ұйымдастырмақпыз.
Мақсат пен міндет айқын. Енді журналистердің жанына жағымды жобаның сәтті іске асуы қалды.
Валентина ҚОЗЫБАҚОВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.