Биылғы 2020 жылдың «Еріктілер жылы» болып белгіленгені баршаға мәлім. Сондықтан осы жылды өз атына бастау мақсатына Шетпе жастарынан құралған еріктілер тобы қайырымдылық шарасын өткізді.
Жаңа жылдың алғашқы аптасын шетпелік ерікті жастар дәстүрлі аудандық орталық мешіттің жанындағы «Иман нұры» жастар ұйымының бастамасымен аудандық жастар орталығының қолдауымен «Жылы жүрек – жылы сөз» атты қайырымдылық шарасымен бастады.
Аталмыш шараға аудандық жастар орталығының мамандары мен еріктілер тобының мүшелері қатысты. Аталмыш шара кезінде ұйымдастырушылар Шетпедегі мүжәлсіз отбасылар мен жетім және жартылай жетім, мүжәлсіз жанұялар тізімінде тұрған отбасы мүшелеріне азық-түліктер таратты.
Еріктілер көмегіне ие болған жандар аталмыш шараға қолдау танытқан «Ақбөбек», «Шаңырақ», «Кенже», «Қадірлі» сауда орталықтары мен иелеріне және қайырымдылық шараға қол ұшын берген барша шетпелік тұрғындарға алғысын білдірді.
Үміт ЖӘЛЕКЕ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
