Жұмысқа қандай жеңілдік бар?

Сұрақ. Жуырда дәрігердің берген анықтамасына сай қант диабетіне шалдыққаным анықталды. Аталған ауру түріне шалдығуыма байланысты жұмыста жеңіл жұмысқа ауысуға мүмкіндік қарастырылған ба? Егер басшылық жеңіл жұмысқа ауыстырудан бас тартқан жағдайда не істеуге болады?

Қазақстан Республикасы Еңбек ко­дексінің 43­-бабында денсаулық жағ­дайына байланысты басқа жұмысқа уақытша ауыстыру туралы былай де­лінген:

Жұмыскердің еңбек міндеттерін орындауға байланысты өндірістік жа­рақаттануына, кәсіптік ауруға шал­дығуына немесе денсаулығына өзге де зақым келуіне немесе денсаулығына өндіріспен байланысты емес өзге де зақым келуіне байланысты жұмыс бе­руші медициналық қорытынды негізін­ де еңбекке қабілеттілігі қалпына кел­генге немесе мүгедектік белгіленгенге не кәсіби еңбекке қабілеттілігінен айы­рылуы белгіленгенге дейін жұмыскерді неғұрлым жеңіл жұмысқа уақытша ауыстыруға не еңбек, ұжымдық шарт­тарда жазылған жағдайларда оны жұмыстан босатуға міндетті.

ТАҒЫ ОҚЫҢЫЗ: Қоқыс жинаушыларға күніне 80 шағым түседі екен

Сұрақ. Бір жастағы балам бар. Қаражат қажеттілігіне байланыс­ты жұмысқа ерте шығып кеттім. Алайда бастығым түрлі сылтау айтып, жұмыстан ерте жібермеудің түрлі амалын жасайды. Заң бо­йынша маған қандай мүмкіндік қарастырылған?

Қазақстан Республикасы Еңбек ко­дексінің 82-­бабында ауысымішілік және арнайы үзілістер туралы төмен­дегідей келтірілген:

3. Бір жарым жасқа дейінгі балалары бар әйелдерге, бір жарым жасқа дейінгі балаларды анасыз тәрбиелеп отырған әкелерге (бала асырап алушыларға) баланы (балаларды) тамақтандыру үшін жұмыстың әрбір үш сағатынан сиретпей ұзақтығы мынадай:

1) бір баласы барларға – әрбір үзіліс кемінде отыз минут; 2) екі немесе одан көп баласы барларға – әрбір үзіліс кемінде бір сағат болатын қосымша үзілістер беріледі.

4. Осы баптың 3-­тармағында көр­сетілген жұмыскердің өтініші бойын­ша баланы (балаларды) тамақтан­дыруға арналған үзілістер тынығуға және тамақтануға арналған үзіліс­терге қосылады не жиынтық үзілістер жұмыс күнінің (ауысымның) басында немесе аяғында беріледі.

5. Баланы (балаларды) тамақтан­дыруға арналған үзілістер жұмыс уақытына қосылады. Үзілістер уақы­тында әйелдердің, әкелердің, бала асы­рап алушылардың орташа жалақысы сақталады.