Жуырда халық алдында есеп берген Шетпе ауылының әкімі М.Мүтәллапов мекеннің әлеуметтік-экономикалық дамуындағы оң өзгерістерге тоқталып, алдағы атқарар істердің жоспарымен бөлісті. Ауыл әкімінің қорытынды есеп беру кездесуіне аудан әкімі Жармағанбет Айтуаров қатысты. Тұрғындардың уәжін тыңдады. Шетпе ауылында 18 мыңға жуық тұрғын бар. Ауыл әкімі есепті табиғи өсімнен бастады. Содан соң әлеуметтік салаға ойысты. Ауылда 6 мектеп пен 1 колледж бар. Ондағы үш ауысымды білім беру мәселесі түбегейлі шешілген. Мұнда «Дипломмен ауылға» бағдарламасымен келген 9 маман еңбек етіп жүр. Ауылдың ахуалы тұрақты. Халықтың жағдайы жақсарған.
Кездесуде Шетпе ауылының әкімі М.Мүтәллапов: «Биылғы жылы ауылда 2 жеке- меншік балабақша, бір 600 орындық балабақша бой көтермек. Сондай-ақ Шетпеішілік жаяу жүргіншілер жолы мен шағынаудандар арасында 14 шақырымдық ауылішілік жолдар салынады. Оған қоса, жол бойындағы жарық шамдар жағылып, көше бойлары абаттандырылады», – деді.
ТАҒЫ ОҚЫҢЫЗ: Туу туралы куәлікті SMS арқылы 2008 жылдан бері неке қиған ата-аналар аладыБұдан соң аудан әкімі Ж.Айтуаров сөз алып, ауданның 2017 жылғы әлеуметтік-эко- номикалық дамуы жайында есебін берді. «Биыл Маңғыстау ауданына – 90 жыл. Осыған орай ауданның Шайыр, Шебір, Тұщықұдық ауылдарына ауыларалық асфальт жолдар төселсе, Тиген ауылына газ тартылатын болады. Сондай-ақ биыл Қызан мен Шетпе ауылдарынан жылыжай салынады. Ал Шетпе ауылында күннен энергия алатын станса салынады деп жоспарлануда» деді.
Жиын барысында ауыл тұрғындары өз көкейлерінде жүрген сауалдарын қойып, ойлары мен ұсыныстарын алға тартты.
Аллаберген ҚОНАРБАЕВ Маңғыстау ауданы
Көрнекі сурет әлеуметтік желіден алынған
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
