Түпқарағанда "Ашық әкімдік" кеңсесі ашылды

Кеше "Маңғыстау-Адалдық алаңы" жобалық кеңсесінің жоспарына сәйкес, ашықтықты жариялап, тұрғындарға қолайлы жағдай жасау мақсатында Түпқараған ауданында "Ашық әкімдік" кеңсесі ашылды, деп хабарлайды mangystaumedia.kz сайты Түпқараған ауданы әкімдігінің баспасөз қызметіне сілтеме жасап.

Ашылу салтанатына облыс әкімінің орынбасары Г.Қалмұратова, ҚР сыбайлас жемқорлыққа қарсы Агенттігінің Маңғыстау облысы бойынша департаменті басшысының бірінші орынбасары С.Қаныбеков, "Маңғыстау-Адалдық алаңы" жобалық кеңсесінің жетекшісі Д.Үсіпбаев және аудан әкімі А.Қосуақов қатысты.

Жобаның мақсаты - мемлекеттік мекемелердің азаматтарға қолжетімділігін арттыру, кедергісіз ортаны қалыптастыру. Мемлекеттік қызметтерді алу жедел, барынша жеңілдетіледі және тұрғындар үшін ыңғайлы болады. Яғни, бұл жерде әр бөлімнен жауапты мамандар тұрғындардың сауалына жауап беретін болады.

Егер тұрғындар баласымен келген жағдайда, балаларына да жағдай жасалынып, балалар ойнайтын бұрыш қарастырылған.

Алдағы уақытта аудан тұрғындары әр бөлімге сабылмай, осы ашық әкімдік кеңсесіне келіп, барлық мәселелерін бір жерден шешуге мүмкіндік алады.

Егер түйінді мәселелер туындаған жағдайда ауданның басшылары тарапынан шешуге ықпал етіледі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.