Түпқарағандағы екі мектеп күрделі жөндеуден өтті

Түпқараған ауданына қарасты Форт-Шевченко қаласында орналасқан Есбол Өмірбаев атындағы орта мектеп және Сайын Шапағатов ауылындағы Ғұбайдолла Айдаров атындағы мектеп-лицей күрделі жөндеуден өтті.

Бұл туралы Түпқараған аудандық білім бөлімінің басшысы Айбаршын Утесбаева мәлем етті. Оның айтуынша, 10 жылдан кейін күрделі жөндеуден өткен білім ордасының жөндеу жұмыстары, мектеп ауласы, ток жүйелері, едендер мен төбелері толықтай қайта жасақталды. Қайта құрылымдау жұмысы барысында мектеп аумағы көгалдандырылып, ғимарат алдына қойылған Есбол Өмірбаевтың бюсті де жаңартылды.

«Заман талабына сай іші мен сырты күрделі жөндеуден өткен білім ордасы көгалдандырылды. Ауласына да қатқыл тастар төселіп жаңартылды, әжетханалар ішке көшіріліп барлық жағдай жасалды. Бұған қоса, «Жұмыспен қамтудың жол картасы – 2020» мемлекеттік бағдарламасы аясында қалаға жақын орналасқан Сайын Шапағатов ауылындағы Ғ.Айдаров атындағы мектеп –лицей де күрделі жөндеуден өтіп, көз қуантарлық жаңа көрікке ие болды. Мемлекеттік бағдарлама аясында «Eileen Group» ЖШС барлық құрылыс жұмыстарын жүргізіп, 51 ауыл тұрғыны жұмысқа тартылды», - деді Айбаршын Утесбаева.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.