Мұнайлы ауданында жасөспірімдер арасындағы қылмыстың алдын алу мақсатында "Түнгі қаладағы жасөспірім" атты жедел-профилактикалық іс -шараның 1-ші кезеңі өтті, деп хабарлайды mangystaumedia.kz аудандық полиция бөлімінің баспасөз қызметіне сілтеме жасап.
Рейд барысында түнгі уақытта компьютерлік ойын залдары тексеріліп, түсіндіру жұмыстары жүргізілді. Нәтижесінде 49 құқықбұзушылық анықталды.
Оның ішінде кәмелетке толмаған 9 жасөспірім анықталып, олардың ата-аналарына ҚР ӘҚБтК-нің 435-бабына сәйкес 7 АЕК мөлшерінде айыппұл салынды.
Кәмелетке толмағандарды оқыту-тәрбиелеу жөніндегі міндеттерді орындамауы негізінде 6 ата-анаға 10 АЕК мөлшерінде айыппұл салынса, ҚР ӘҚБтК-нің 200-бабы "ҚР-ның заңнамасында алкоголь өнімін өткізу жөніндегі талаптарын бұзу” бойынша 2 дүкен иесіне спирттік өнімдерді саудалағаны үшін әкімшілік хаттама толтырылып, іс-құжаттары сотқа жолданды.
Сонымен қатар, ҚР ӘҚБтК-нің 442-бабының 2 бөлігіне сәйкес, 29 кәмелетке толмаған жасөспірім түнгі мезгілде көше бойында жүргендіктері анықталып, полиция бөліміне жеткізіліп, олардың ата-анасына "ескерту" шарасы қолданылды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
