Мұнайлы ауданында өткен жылы 52 кәсіпорын нысаны ашылып, 247 жұмыс орны құрылды, деп хабарлайды mangystaumedia.kz аудан әкімдігінің баспасөз қызметіне сілтеме жасап.
Мұнайлы аудандық кәсіпкерлік және ауыл шаруашылығы бөлімінің басшысы Мадина Жанжігітова есігін жаңадан айқара ашқан нысандардың ішінде 4 азық-түлік дүкені, 4 супермаркет, 2 сауда орталығы, 6 тамақтану орталығы, 2 құрылыс дүкені, 3 медициналық орталық, 2 білім беру орталығы, 6 автобөлшек, көлік жуу, 6 өндіріс орны, 1 наубайхана, 4 ет дүкені, 1 баспахана, 3 оқу құралдары, киім-кешек дүкені, 4 әр салалы дүкен, 1 спорт кешені барын атады.
- Мұнайлы ауданында 2021 жылы 36 кәсіпкерлік нысан ашылып, 239 жұмыс орны құрылса, 2022 жылы 56 кәсіпкерлік нысан ашылып, 247 жұмыс орны құрылды. Яғни, 2021 жылмен салыстырғанда өткен жылы ашылған кәсіпкерлік нысан саны 20-ға артып отыр. Аудан тұрғындарының көпшілігі кәсіп бастау үшін сауда, қызмет көрсету, өндіріс салаларына несие алған. Ер адамдар өнеркәсіп салаларына, құрылыс, дәнекерлеу салаларына бағытталса, ал әйелдер сұлулық салоны, қолөнер салаларын таңдады. Мемлекет тарапынан жасалған бағдарламаларды таныстыру мақсатында дөңгелек үстелдер, жиындар, тікелей эфирлер өткіземіз, дейді Мадина Жанжігітова.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
