Мұнайлы ауданында кәсіпкерлер саны 9 мыңға жуықтады

Мұнайлы ауданында өткен жылы тіркелген кәсіпкерлер саны 8882-ге жетті, деп хабарлайды mangystaumedia.kz аудан әкімдігінің баспасөз қызметіне сілтеме жасап.

Ауданда 2022 жылы тіркелген шағын және орта кәсіп саны артқаны байқалды. Қазіргі таңда олардың 8510 кәсіпкер жұмыс істеп жатыр. Ал жаңадан ашылған нысандар бойынша 12 906 адам жұмыспен қамтылды.

Ауданда «Даму» кәсіпкерлікті дамыту қоры арқылы «2021-2025 жылдарға арналған ұлттық жоба» аясында 196 жоба 3 754,2 миллиард теңге қолдауға ие болды.
«Аграрлық несие корпорациясы» арқылы 6 адам 100,5 млн.теңге, «Мұнайлы несие» несиелік серіктестік арқылы 19 адам 320,6 млн.теңге алды. «Жұмыспен қамту жол картасы» бағдарламасы аясында «Атамекен» микро қаржы ұйымы арқылы 23 адам 134,9 млн теңге көлемінде несие алған.
2022 жылдың қаңтар мен қазан айы аралығында ауданға 39 497,8 млрд.тг инвестиция құйылды. Инвестициялық жоба деп мақұлданған «Ясин» медициналық орталығы мамыр айында іске қосылды.

Одан бөлек, балық шаруашылығы жобасын іске асыру үшін Облыстық өңірлік үйлестіру кеңесінде инвестициялық жоба ретінде мақұлданған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.