Мұнайлыда әйелдер арасында волейболдан жарыс өтті

Мұнайлы ауданында «Спорт – денсаулық кепілі» атты әйел жамағаты арасында волейболдан жарыс өтті, - деп хабарлайды mangystaumedia.kz сайты.

Алдымен шараның ашылу салтанатында Маңғыстау облысы Дін істері басқармасының басшысы Мақсатбек Маханбетов пен Маңғыстау облысының бас имамы Ануар Елжанов сөз сөйлеп, қатысушыларға сәттілік тіледі

««Шынықсаң – шымыр боласың» демекші, дене жаттығуы адам баласына қашан да пайдалы. Күні бойы өзіңді сергек сезініп жүрудің де бір тәсілі – спорт. Спорт адамды шат-шадыман өмір сүруге жетелейді. Ислам діні де адам баласын спортпен шұғылдануға, өнермен айналысуға және денсаулыққа аса мән беруге шақырады», - деді басқарма басшысы М. Маханбетов.

Жарысқа Маңғыстау облысы бойынша әйелдер жамағатының 30-ға жуық азаматшасы қатысты. Ол үш командаға бөлініп, тартысты ойын өрнегін көрсетті. Жеңімпаздарға діни кітаптар табысталды. Ұйымдастырушылардың айтуынша, мұндай спорттық шаралар алдағы уақытта да өз жалғасын табады.

Айта кетейік, жарыс Маңғыстау облысы Дін істері басқармасының мемлекеттік-әлеуметтік тапсырысы аясында және Тәуелсіздіктің 30 жылдығына орай ұйымдастырылды.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.