Жастар практикасынан өту кезеңі 6 айдан 12 айға ұзартылды

Бұл туралы ҚР Ақпарат және қоғамдық даму министрі Дархан Қыдырәлі Ақтауда өткен Zhas Project форумы барысында айтты, - деп хабарлайды mangystaumedia.kz сайты ҚР Ақпарат және қоғамдық даму министрлігінің баспасөз қызметіне сілтеме жасап.

2022 жылы жастар практикасынан өту кезеңі 6 айдан 12 айға дейін және «Бірінші жұмыс орны» жобасы бойынша 12 айдан 18 айға дейін ұзартылды. Бұл жастар үшін алғашқы жұмыс тәжірибесін алуға және табыс табуға жақсы мүмкіндік.

Министрдің сөзінше, жастарды жұмысқа тарту және кәсіпкерлік бастамаларын қолдау мақсатында нақты жобалар іске асып жатыр.Жұмыспен қамту жөніндегі іс-шаралар 2021-2025 жылдарға арналған кәсіпкерлікті дамыту жөніндегі ұлттық жобасы аясында жүргізілуде.

Сондай-ақ Қазақстан Республикасы Үкіметінің 2022 жылға арналған іс-қимыл Бағдарламасы шеңберінде NEET санатындағы жастар деңгейі жоғары өңірлерде жас кәсіпкерлерді қолдау үшін «Zhas Project» пилоттық жобасы іске асып жатыр.

Жалпы 250 жоба пилоттық түрінде 6 аймақтарда орындалды (Алматы, Қарағанды, Маңғыстау, Түркістан, Жетісу және Ұлытау облыстарында). Соның аясында әлеуметтік осал топтар мен ауыл жастарының кәсіпкерлік бастамаларын қолдау үшін 1 млн. теңгенің 252 гранты берілді. Бұдан әрі жобаны жыл сайын басқа өңірлерде де жүзеге асыру жоспарланып отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.