Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облысында жыл басынан бері көші-қон заңнамасын бұзған 1253 дерек анықталды. Оның ішінде шетелдік 935, ҚР азаматтарына 318 азаматы бар. Сонымен қатар 20-ға жуық жұмыс беруші жауапкершілікке тартылды, деп хабарлайды mangystaumedia.kz облыстық ПД-нің баспасөз қызметіне сілтеме жасап.
Көші-қон заңнамасын бұзғаны үшін салынған айыппұлдардың жалпы сомасы 5 миллион 526 мың теңгені құрап отыр.
«Жыл басынан бері қабылданған шаралар нәтижесінде үш ай ішінде ҚР Әкімшілік құқық бұзушылық туралы кодексінің 517-бабы бойынша шетелдіктердің ҚР-да болу ережелерін бұзғаны үшін 926 шетелдік, ҚР ӘҚБтК 518-бабы (Шетелдiктерді және азаматтығы жоқ адамдарды қабылдайтын жеке немесе заңды тұлғалардың Қазақстан Республикасының халықтың көші-қоны саласындағы заңнамасын бұзуы) бойынша 300 ҚР азаматы әкімшілік жауапкершілікке тартылды. Үш ай ішінде өңірімізден 157 шетелдік ел аумағынан тысқары шығарылды», - деді Маңғыстау облыстық ПД баспасөз қызметіндегілер.
Өңірдің полиция департаменті облыс тұрғындарын және шетелдік қонақтарды еліміздің көші-қон саласындағы заңнамасын қатаң ұстануға шақырып, құқық бұзушылықтар мен қылмыстарға жол бермеуді ескертіп отыр.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.