Маңғыстауда биыл 49 адам коронавирус жұқтырған

Өңірде биыл жыл басынан бері COVID-19 инфекциясын жұқтырған 49 адам тіркелді. 2024 жылдың қаңтарында 44 жағдай, ақпанда 5 жағдай тіркелген, деп хабарлайды mangystaumedia.kz.

Қалалар мен аудандар бойынша жағдай мынадай:

Ақтау қаласында 37 жағдай тіркелген,
Түпқараған ауданы – 1, Маңғыстау ауданы – 1,
Мұнайлы ауданында – 5 адам аталмыш инфекцияны жұқтырған.

COVID-19 инфекциясын ең көп жұқтыру жағдайлары 30-39 жас аралығында (15 жағдай), екінші орында 20-29 жас (14 жағдай) және үшінші орында 40-49 жас аралығындағылар тіркелді.

Маңғыстау облысында 2020 жылдың 27 наурызы мен 2024 жылдың 9 ақпаны аралығында 29 527 коронавирус инфекциясына шалдыққан жағдай тіркелді, оның ішінде 18 400 (62,3%) адам шағым айтып өздері жүгінген.

2023 жылы 145 COVID-19 оқиғасы тіркелді. Оның 136-сында өздері шағым айтқан болса, 9 жағдайда жүгінбеген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.