Ақтаулық блогер Азамат Сәрсенбаевтың өзі бұл сыйлықты алатынын марапаттау шарасынан екі күн бұрын білген. Блогер салтанатты шараға қатысу үшін Астанаға ұшып барған, деп хабарлайды mangystaumedia.kz.
Бұл – ҚР Табиғи ресурстар және ирригация министрлігінің арнайы сыйлығы. Азамат Сәрсенбаевтың айтуынша, сыйлық өңірдің туризмін дамытуға қосқан үлесі мен экологиялық мәселелерді көтергені үшін табысталған.
«Министр бұл сыйлықты Каспийдің тартылып бара жатқан мәселесін, сондай-ақ Маңғыстаудың сұлулығын көрсеткенім үшін берілгенін айтты. Бұл әрине, мен үшін үлкен құрмет», - деді блогер.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
