Маңғыстау туу көрсеткіші бойынша әлі де көш бастап тұр

Ұлттық статистика бюросының мәліметі бойынша, 2023 жылдың 12 айында халық санының жалпы өсімі 266 739 адамды құрады. Оның ішінде табиғи өсім есебінен – 257,3 мың адамға, көші-қон есебінен – 9 344 адамға өскен, деп хабарлайды mangystaumedia.kz сайты.

Ең жоғары туу көрсеткіші Маңғыстау облысында байқалды – 1000 тұрғынға шаққанда 26,78 адам. Үздік үштікте Түркістан облысы (26,11) мен Шымкент қаласы (25,68) тұр.

2024 жылғы 1 қаңтардағы жағдай бойынша халық саны 20 033 546 адамды құрады. Оның ішінде қала тұрғындары – 12 451 004 (өсім 1,9%), ауыл тұрғындары – 7 582 542 адам (өсім 0,3%).

12 айда Қазақстанда 387,9 мың бала дүниеге келді (403,5 мың адам – 2022), оның 200,3 мыңы ұл, 187,6 мыңы қыз бала. Туу көрсеткіші 1000 адамға 19,50 құрады. Осы кезеңде қайтыс болғандар саны 130,6 мың адамды құраса, 1000 адамға шаққандағы өлім көрсеткіші 6,56-ны құрады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.