Құланды ауылында орналасқан орталық саябақ қажетті құралдарымен жабдықталған ашық аспан астында спортпен шұғылдануға арналған алаң қолданысқа берілді, деп хабарлайды mangystaumedia.kz аудан әкімдігінің баспасөз қызметіне сілтеме жасап.
Мереке қарсаңында пайдалануға берілген алаңның ашылуына ауыл ақсақалдары мен мектеп бітіргендеріне 10 және 20 жыл толып отырған түлектер қатысты.
Жаттығу алаңына 11 түрлі жабдық орнатылған. Олардың арасында қарапайым турниктен бастап, басқа да икемделген құрылғылар да бар.
- Балаларды қорғау күні қарсаңында осындай керемет заманауи спорт алаңы ашылып, көпке қуаныш сыйлады. Бұл балалардың денсаулығына да пайдалы. Игі істер жалғасын таба берсін, - дейді ауыл тұрғындары.
Айта кетейік, құрылыс жұмыстарын жеке кәсіпкер Ж.Баймурзаева бастап, соңына дейін аяқтап шықты.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
