Әлеуметтік желі беттерінде көпқабатты тұрғын үй камерасына түсірілген видео тарады. Онда әйел адам мен жас қызды шаштарын тартып, бір-бірімен төбелесіп жатқаны анық көрінеді, деп хабарлайды mangystaumedia.kz сайты.
Төбелес 34ш/а 10 үйдің ауласында болған. Желіде жарияланған кадрларда оқиға куәгерлері, яғни, басқа балалар төбелескендерді қоршап тұрғаны көрінеді.
Жасөспірімнің анасының айтуынша, бөтен әйел мүмкіндігі шектеулі қызын соққыға жығып, денсаулығына залал келтірді.
- 34ш/а 10 үйде тұратын, танымайтын әйел адам менің мүгедек қызымды ұрып, қолын сындырған. Сонымен қатар дөрекі қылық көрсетіп, жұлқыған. 102-ге хабарлассам да шара қолданбады,-делінген жазба астында.
Оқиға туралы облыстық ПД болған жайтты растап, тиісті шара қолданылғанын мәлімдеді.
- Қоңырауға шыққан учаскелік инспекторлар деректі растады. Кәмелетке толмаған қызды ұрып-соққан 36 жастағы әйелге қатысты ҚР ӘҚБтК-ның 73-1-бабы 1-бөлігі және 127-бабы 1-бөлігі бойынша әкімшілік хаттама толтырылды,-делінген хабарламада.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
