Кикбоксинг шеберлері Қостанайдан олжалы оралды

Маңғыстау спортшылары кикбоксингтен жастар арасында өткен ҚР чемпионатында жеңімпаз атанды, деп хабарлайды mangystaumedia.kz облыстық дене шынықтыру және спорт басқармасының баспасөз қызметіне сілтеме жасап.

Қостанай қаласында 2005-2006 жылы туған жастар арасындағы ел біріншілігі өз мәресіне жетті.

Еліміздің 3 қаласы және 17 облысынан 300 ге жуық спортшы қатысып, фулл контакт, К-1 бағдарламалары бойынша сынға түскен болатын. Аталған жарыс бокстан КСРО спорт шебері Мұрат Бегежанов пен кикбоксингтен ХДСШ Асылхан Бұсұрмановты еске алуға арналды.

Маңғыстаулық спортшылар фул-контакт бағдарламасы бойынша 2 алтын, 1 қола иеленді. Олардың қатарында 54 келіде Сағындық Шыныбеков 3-орын, 86 келіде Қанат Ақунов және + 91 келіде Нұрсәт Ғалымбекұлы 1-орын иеленді.

Сонымен бірге, К-1 бағдарламасы бойынша 51 келіде Аманбек Ерікұлы күміс жүлдеге қол жеткізсе, 71 келіде Мейрамбек Мәжіліс қола медаль иегері атанды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.