Маңғыстауда жер бедерінің неден жарылғаны анықталып жатыр

Әлеуметтік желіде Жетібай ауылындағы «Асар» кен орнының солтүстік бағытында орналасқан «ГУ-28» деп аталатын аумақта жер бедерінің екіге бөлінгені жөнінде видео таралды, - деп хабарлайды mangystaumedia.kz сайты.

Қарақия ауданы әкімдігі баспасөз қызметі бұл жайтқа пікір білдірді. Мәлімдеуінше, жағдайдың себеп салдарын анықтау, зерделеу үшін «Маңғыстаумұнайгаз» АҚ тиісті мекемемен келісімшартқа отыру жұмыстары жүргізілуде.

- Тұрғындар мен шаруа қожалық иелерінің қауіпсіздігін қамтамасыз ету мақсатында «Маңғыстаумұнайгаз» АҚ - ның қолдауымен арнайы техникалар бөлініп, көму, жерді тегістеу жұмыстарын жүргізуде, - деп хабарлады Қарақия ауданы әкімдігінің баспасөз қызметі.

Ал «Маңғыстаумұнайгаз» АҚ баспасөз қызметі жер бедерінің жарылу себебін анықтаған соң қосымша ақпарат беретінін айтты.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.