Бүгін Нұрлан Ноғаев Азия ойындарында Қазақстан құрама командасының құрамында өнер көрсетіп екінші орын иеленген Маңғыстау облысының волейболшыларымен кездесті, деп хабарлайды mangystaumedia.kz Маңғыстау облысы әкімінің баспасөз қызметіне сілтеме жасап.
Кездесуге Қазақстан құрама командасының мүшесі болып табылатын Маңғыстау параволейболшысы Ерболат Алтаев қатысты. Сондай-ақ, қонақтар арасында Парапауэрлифтинг бойынша Пара ойындарға қатысқан Ғани Есентеміров, үстел пара теннисшісі-Мейірбек Өтепов, сондай-ақ халықаралық санаттағы Маңғыстау төрешісі Аян Рахметов, сонымен қатар, жаттықтырушылар Құралбек Сейдов пен Нұралы Құлышов, Сүйіншалиев Арслан, Әлішер Рохимбоев және Наурызбек Бақтығұл болды.
Нұрлан Ноғаев спортшылардың пара-спортты дамытуға қосқан маңызды үлесін жоғары бағалап, олардың қайсарлықтың нағыз үлгісін көрсетіп жүргенін атап өтті.
- Азия Пара ойындарында Маңғыстаудан келген спортшыларымыз табандылық пен батылдықтың нағыз үлгісін көрсете білді. Олардың жетістіктері бізді таң қалдырып қана қоймайды, тағдырдың қиындығына қарамастан жеңілмей күресуге, табанды болуға шабыттандырады. Сіздер аяққа тұрып қана қоймай, барлығына өздеріңіздің шексіз мүмкіндіктеріңізді дәлелдедіңіздер, - деп атап өтті Нұрлан Ноғаев.
Волейболдан Қазақстан құрамасы Азия чемпионатында келесі жылы Париждегі Паралимпиада ойындарына жолдама алды.
Азия пара ойындары Қытайдың Ханчжоу қаласында 22-28 қазан аралығында өткен еді. Жарысқа 14 спорт түрінен 131 спортшы қатысты. Қазақстан құрамасы 8 алтын, 12 күміс және 21 қола медаль жеңіп алып, оң нәтижеге қол жеткізді.
Кездесу соңында Нұрлан Ноғаев спортшылар мен олардың жаттықтырушыларына өңірдің әлеуметтік-экономикалық дамуына қосқан үлесі үшін алғыс хаттар табыстады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
