Есте қалған ерекше көрме

Облыстық отбасылық үлгідегі балалар ауылында «Балалар – біздің болашағымыз» атты мерекелік іс-шара өтті.

Ақтау қаласының Төтенше жағдайлар басқармасы ұйымдастырған көрмеде арнайы техникалар таныстырылды.

Іс-шара барысында құтқарушылардың құрал-жабдықтары мен техникалары көрсетіліп, су айдынындағы құтқарушылар жұмыстары таныстырылды.

– Балаларды қорғау күніне орай жас жеткіншектердің төтенше жағдайлар мамандығына қызығушылығын арттыру мақсатымен осындай іс-шараны өткізіп отырмыз. Балалар ауылына екі өрт сөндіру техникасын әкеліп, таныстырдық. Өрт техникалары қалай жұмыс істейді, өрт болған жағдайда мамандар қалай қолданады, сатылар қандай биіктікке дейін көтеріледі – осының барлығын көрсеттік. Болашақта балалардың мамандық таңдау кезінде төтенше жағдай қызметіне қызығып жатса, біз осыған үлес қоссақ деген ниеттеміз, - деді Ақтау қаласы Төтенше жағдайлар басқармасының басшысы Азаматтық қорғау подполковнигі Жандос Кенжебаев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.