Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бейнеуде босанған құлсарылық қос ананы Бейнеу аудандық іскер әйелдер кеңесінің мүшелері перзентханадан шығарып алды, - деп хабарлайды mangystaumedia.kz сайты.
Бұл туралы ҚР Журналистер одағының мүшесі Айнахан Есетова фейсбук парақшасына жазған. Айтуынша, бейнеуліктер Құлсарыдан келіп босанған аналарға арнап, алдын ала керек-жарақ қоржындарын, екі-үш ауыстырып киетін киімдерін, сәбилердің иткөйлек, жаялық-жөргек, көрпесін қамдап, перзентханадан шыққан кезде баратын үйіне дейін дайындап, қалжа беру жұмыстарына дейін ұйымдастырған.
Құлсарыдағы эвакуация кезінде Бейнеу перзентханасына 19 ана орналастырылған. Оның ішінде 11 ана аман-есен босанып дүниеге 12 сәби келген. Арасында егіз бар. Әзірге нәрестенің алтауы - ұл, алтауы - қыз.
Перзентханада аналарды босандырған акушер-дәрігерлер қатарында Кәмшат Тайшанова мен Әсия Амангелдиева бар.
Ертең де бірнеше ана сәбиімен перзентханадан шығады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.