Ата-аналар Ақтаудағы сарбаздардың қызметі қалай өтетінін көрді

Ақтау гарнизонының авиациялық базасында мерзімді қызметтегі сарбаздарының ата-аналары үшін ашық есік күні өтті, деп хабарлайды mangystaumedia.kz ведомствоның баспасөз қызметіне сілтеме жасап.

Әскери бөлім басшылығы ұйымдастырған іс-шараға облыстағы арнайы құрылған сарбаздар аналары ұйымының мүшелері, әскерге жұмысқа қабылданғандардың туыстары қатысты.

Қонақтарға бөлімнің орналасқан жері мен бақылау-өткізу пункті, казармалар, асханалар мен демалыс бөлмелері, оқу сыныптары көрсетілді.

Олар сарбаздардың күнделікті жұмыс және сабақ кестесімен, спорттық өмірімен және мәдени іс-шаралармен танысты.

Сонымен қатар, ата-аналарға
қару-жарақ пен әскери техника таныстырылды. Атап айтсақ, көлік-жауынгерлік МИ-8, көп мақсатты соққы жасайтын МИ-35 тікұшақтары, сондай-ақ жоғары дәлдікті СУ-27 әуе кемесі ерекше қызығушылық тудырды.

Іс-шара соңында Ми-8 тікұшақтарының ұшқыштары пилоттық техникада және маршрут бойынша ұшу мен көрнекі әуе барлауын жүргізуде өз шеберліктерін көрсетті. Ал мерзімді әскери қызметтегі сарбаздар қоян-қолтық ұрыс дағдыларын, сондай-ақ қару-жарақпен және онсыз саптық дайындық элементтерін кеңінен таныстырды.

- Бүгін біз ұлымыз қызмет ететін әскери бөлімге барып, оның қызметі қалай өтіп жатқанын өз көзімізбен көрдік. Командирмен жүздесіп, әңгімелестік. Бұл іс-шара біз үшін маңызды. Өйткені біз баламызға алаңдаймыз, енді бөлімше тәртібімен танысқаннан кейін уайымдамаймыз. Барлық ұйымдастырушыларға үлкен алғысымды білдіргім келеді және барлық әскери қызметкерлерге қызметте табыс тілеймін, — дейді әскерге шақырылушылардың бірінің анасы Райс Айтыманов.

Іс-шара соңында мерзімді қызметтегі сарбаздар бір күнге жұмыстан босатылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.